最新消息

【CARE學院：屋苑保安員培訓課程】

俗語有講：「遠親不如近鄰。」對照顧者黎講，屋苑既鄰居同埋物管職員絕對係照顧路上既「近鄰」!!

隨住社會上越黎越多人關注照顧者，CARE學院為有意協助護老者既保安員推出「屋苑保安員培訓課程」，希望可以幫助佢地更加了解護老者同認知障礙症長者既需要、鼓勵佢地主動關顧護老者，以及早提供支援，共建護老者友善屋苑。完成課程後，各位保安員仲可以透過「自願登記住戶名冊」實踐所學，成為護老者真正既「近鄰」!

成功登記為員工提供培訓既物管公司，日後仲可以同本處照顧者服務配對，為有需要既護老者住戶進行評估，並提供相關支援服務。歡迎有興趣既物管公司致電3188 1633同我地聯絡，了解更多關於呢個培訓既內容。